Музыкалық аспапты ұшақпен қалай тасымалдауға болады?

Музыкалық аспаптарды ұшақ салонында қол жүгі ретінде, сондай-ақ, жолаушыға арналған орындықта да тасымалдауға болады. QAZAQ AIR жолаушыларына ыңғайлы болуы үшін музыкалық аспаптар салмағына қарай 3 санатқа бөлінеді, бұл олардың көпшілігін ұшақ салонына ауыстыруға мүмкіндік береді. Оның тәртібі төмендегідей:

• Қол жүгі ретінде тасымалдау. Ол үшін аспаптың салмағы 10 келіден, ал өлшемі 120 x 50 x 30 сантиметрден аспауы керек. Мұндай аспаптар қатарына домбыра не скрипка жатады.
• Жолаушы орнында тасымалдау. Аспап салмағы 10 – 75 келі аралығы, ал өлшемі: 120 x 50 x 30 см. Мысалы, виолончель не контрабас.
• Жүк ретінде тасымалдау. Аспап салмағы 75 келіден астам. Бұл жағдайда әуежайда жиналған 1 кг артық жүкке тариф қолданылады.

«Қызмет құны 8 мың теңгеден басталады», – деп хабарлайды QAZAQ AIR баспасөз қызметі.